БЛОГ

Проект – Здрава храна ( Gesunde Ernährung)

Проектот Здрава храна  под менторство на професор Лидија Таушански, професор по германски јазик заедно со учениците од 4 година што го изучуваат германскиот јазик, беше подготвуван околу 3 недели а во училиштето Методи Митевски Брицо беше презентиран на ден 14.12.2018година.

До идејата за овој проект дојдовме со цел да се промени начинот на исхрана на учениците  и на професорите од нашето училиште. Од причина што брзата храна е се позастапена и поупотребувана од учениците, решивме да дадеме предлог како тоа да се промени и учениците да почнат да користат поздрави продукти не само од здравствени причини туку и за подобрување на нивната општа состојба.

Користевме 5 вида на овошје,како и сушено овошје, житарици со млеко и јогурт, јаткасти плодови, чај и кафе без шекер. За сето тое е направено истражување околу цената, и е направен проект со анализа на сите негови делови. Храната се продаваше по симболични цени на нашите ученици од 10, 20, 30 и 40денари. Со прометот од произвидите во целост е покриена сметката за набавка на продуктите.

 

Се надеваме дека во иднина овој проект ќе прерасне во пракса и овие продукти ќе ни бидат секојдневно достапни. Благодарност до сите што помогнаа за неговата реализација.

  Лидија Таушански

Учениците од текстилната струка ја покажаа својата креативност

Учениците од текстилната струка, по повод новогодишните и божиќните празници ја покажаа својата креативност и умешност. Тие заедно со своите наставници  по текстилните предмети дизајнираа прекрасен новогодишен модел кој е поставен во влезниот хол на училиштето . Со тоа придонесоа за збогатување на новогодишниот амбиент во училиштето.

   

За збогатување на празничната атмосвера се погрижија и членовите на училишната заедница кои ја накитија новогодишната елка која е поставена во холот на првиот кат.

Втора група од 15 ученици на едукативна екскурзија во Бугарија

На 6 и 7 декември  втора  група од 15   ученици од нашето училиште беа поканети  од фондацијата „Бугарска Памет“ да ги посетат Благоевград и Софија. Тие заедно со учиеници и од општините Берово, Пехчево, Виница и Македонска Каменица ја реализираа едукативната  дводневна екскурзија.

Целта на посетата  е запознавање со можностите за соработка со фондацијата  засновани  на европските принципи и вредности, современите образовни потреби кои им се неопходни на младите за да можат да се носат со идните предизвици.

Првата станица на патувањето на учениците беше во Благоевград. Таму го посетија Регионалниот историски музеј и прошетаа по калдрмата на стариот град  „Вароша“.  Ја посетија и куќата-музиеј  на Георги Измирлиев-Македончето  која е дел од комплексот „Вароша“ и  црквата „Воведение Богородично“.  Потоа следуваше прошетка во центарат на градот, и ручек . По ручекот патувањето продолжи за Софија. Во Софија групата беше сместена во хотрлот „Феста“.

Утрешниот ден исто така имаше и едукативен и забавен карактер.  Денот започна со прекрасна презентација  од Моника Панајотова, заменик-министер во Министерството за бугарско претседателство на Советот на ЕУ во 2018 година, која им даде многу корисни информации за Европската унија и нејзините институции, како и резултатите од успешното бугарско евро-претседателство, чиј главен приоритет беше темата на европската перспектива поврзување на Западен Балкан.

 

  

По презентацијата учениците се  сретнаа и разговараа со д-р Милен Врабевски и тимот на фондацијата „Бугарска Памет“  за можностите за развој на кариера и нејзина  успешна реализација во иднина.

  

Оваа образовниот екскурзија е дел  од долгогодишната програма на Фондацијата “Бугарска меморија”, финансирана лично од д-р Врабевски за прекугранична соработка што дава позитивни резултати за развојот на добрите односи меѓу луѓето од двете страни на границата во името на нашата заедничка европска иднина .

Посета на индустрискиот комплекс „Рудине“

Како дел од програмата на училиштето на 04.12.2018 година учениците од хемиско –технолошката струка го посетија индустрискиот комплекс   „Рудине“ од  Делчево.  Целта на посетата беше учениците детално да се запознаат со неколку процеси на производство на храна кои се дел од производството на „Рудине“.

Прво го посетија погонот за производство на сирење и кашкавал и се запознаа со целиот процес на нивното производство: прочистување на млекото, пастеризација, подесување на температурата за подсирување, додавање на чиста култура од млечно кисели бактерии и додавање на калциум хлорид. Потоа процесот продолжува со обработување на згрутчената маса, пресување, солење се до зреењето н а сирењето и  кашкавалот кое се изведува  во просторија под одредена температура и влага на воздухот.

Ја посетија и лабораторијата за анализа на млекото пред да се одпочне со производство.

Потоа го посетија и погонот за чување и обработка на овошје и зеленчук , нивно смрзнување и конзервирање.

Соработката на училиштето со  бизнис заедницата од Делчево  е ставена во функција за постигање на подобри резултати на учениците  и таа постојано се проширува со нови активности.

   

    

   

    

ѓ    

     

Обука за наставници на тема „Настава и учење во 21 век“

На 01.12.2018 година во СОУ„М.М.Брицо“-  Делчево се одржа обука за наставници  на тама „Настава и учење на 21 век, создавање на иновативни училишта: подготвување на учениците за 21-от век“. На обуката зедоа учество наставниците од 4 средни училишта од источниот регион: Берово, Виница, Македонска Каменица и Делчево.  Обуката се реализира по иницијатива на БРО, а во реализација на Националниот центар за развој на иновации и претприемачко учење.

Целите на обуката се:
– Развивање на иновативниот потенцијал и претприемачкиот дух кај учениците преку обука на наставниот кадар,
– Зајакнување на кариерното советување на учениците како одговорност на секој поединечен наставник,
– Вклучување на компетенциите за доживотно учење во секојдневниот образовен процес на сите нивоа и во секоја област.

Се одржа семинар на тема „Претприемништво и високи технологии“ во Делчево

На 16.11.2018 година во Делчево се одржа семинар на тема „Претприемништво и високи технологии“  . На  семинарот зедоа учество околу 220 ученици од градовите :  Делчево, Виница, Берово, Пехчево, Македонска Каменица  и Струмица.  Семинарот се изведе во организација на фондацијата „Бугарска памет“ од Р.Бугарија и тоа е една од повеќето активности на фондацијата  од  меѓугранична соработка помеѓу Македонија и Бугарија.

Целта на семинарот е  учениците да се здобијат со поголеми познавања за иновациите од светот на технологијата како што се: вештачка интелегенција, роботика, виртуелна реалност, 3Д принтери,  криптовалути. Стекнувањето со дигиталните знаења е многу значајно за учениците затоа што тие треба правилно да  ја изберат својата идна професија и да се подготват за технолошката иднина што ги очекува, за да бидат конкурентни на европскоит пазар на труд.

Предавачи на семинарот беа врвни иноватори, дигитални специјалисти, творци и лидери во сверата на роботиката.

Семинарот го отвори виртуелниот водич Наум. Потоа збор зедоа  градоначалникот на Делчево – Горан Трајковски и претставникот од фондацијата Живко Костуров.

 

Прв предавач беше Борис Христов кој ги запозна присутните со тајните  на изработка на квалитетна презентација. Потоа продолжи финансовиот експерт Бисер Манолов   кој зборуваше за блокчејн технологијата  и иднината на криптовалутите. По паузата за ручек продолжи Бојан Станков  на тема „Роботика за подобра иднина“.  Потоа беше спроведена интерактивна работилница склопување на робот модели со непосредно учество на учениците учесници на семинарот и турнир во борба на роботи.

 

На крајот  на турнирот беа  прогласени победниците  и поделени медалите за 1, 2 и 3 место.

 

На семинарот беше презентирана и работата на 3Д принтерите, ласерска тастатура и виртуела реалност.

Пораката од семинарот е дека дигиталните компетенции се клучни за професиите на иднината, затоа е потребно надградување на капацитетите на учениците во делот на информатичките технологии и продлабочување на соработката на образовните институции од двете страни на границата.

Еднодневна научна екскурзија до Скопје

На ден 20.10.2018г. беше избедена еднодневна научна  екскурзија на релација Делчево-Скопје-Делчево.  На екскурзијата зедоа учество ученици заслужни за презентација на училиштето во период 2017/2018г. од областа на ликовната уметност, музичката уметност, драмската секција,  прехранбената струка и модната ревија од текстилната струка при СОУ,,Методи Митевски-Брицо,,-Делчево, под менторство на професорот по ликовна уметност Христов Борче и професорот по музичка уметност Илиовски Слободан.

Тргнувањето беше навремено во 07.00 ч. пред училишниот двор.Превозното средство автобус за 55 патника беше уредно и комфортно како и технички добро подготвено. Пристигнувањето во градот Скопје беше навремено со првична посета на мега продавниците за спортска опрема сместени на Качанички пат и спортската салата ,,Борис Трајковски,, во Скопје.

Во период од 12.00ч. до 13.00ч.беше посетен Археолошкиот музеј на Македонија кој беше разгледуван и презентиран со помош на  професионален водич вработен во истоимениот музеј.

По посетата на музејот учениците се упатија кон Македонскиот Народен Театар каде во 13.15ч. бевме пречекани од менаџер од театарот кој ни ги презентираше најзначајните историски факти за театарот во минатото и денес.

Беше разгледан комплетно целиот театар како и ликовната изложба на карикатури и историски експонати кои беа поставени во фоајето на вториот кат од театарот.Во период од 14.00ч.-17.00ч.учениците имаа слободни активности во центарот на градот.

Во 17.20ч.навремено се упативме од Скопје кон Делчево при што беше направена попатна пауза на бензинската станица пред градот Штип.Пристигнувањето во Делчево беше во вечерните часови при што учениците го искажаа своето задоволство од реализираната еднодневна екскурзија.

Учениците од III-2 клас во посета на метеоролошката станица во Виница

На 16.10.2018 година како дел од програмата на училиштето за учебната 2018-2019 година, се реализира  воннаставна активност на тема „Следење, мерење и прогноза на време“   со учениците од III-2 клас под менторство на наставникот по географија –Георгиевски Сребран.  Активностите беа реализирани во метеополошката станица во Виница.  Во исто време, со предходен договор, во метеоролошката станица пристигнаа   и ученици од СОУ „Љупчо Сантов“ од Кочани и сите активности ги следеа заедно.

  

Беа презентирани расположливите капацитети  на мерните инструменти, апарати и уреди кои се користат за мерење на климатско-метеоролошките појави за регионот на Кочанската котлина и пошироко. Презентацијата ја изврши  дипломиран метеоролог- вработен во метеоролошката станица. Учениците пројавија голем интерес кан презентацијата и зедоа активно учество со поставување на бројни прашања, за кои добија и стручни одговори од презентерот.

  

   

По завршената посета  двете групи ученици заедно со своите професори се упатија  во планирана и договорена посета на  СОУ „Љупчо Сантов“ од Кочани.  Таму беа почестени со срдечно и топло добредојде од страна на директорот на училиштето Игор Христов – дипломиран правник и направија кратка прошетка низ училишните простории.

Потоа учениците и од двете училишта одржаа заеднички отворен час на кој дискутираа за реализираната посета на метеоролошката станица  и позитивните ефекти од заедното учество  на ученици од различни градови  на иста активност. Посетата беше заокружена и со заедничка прошетка низ градот Кочани по што учениците се вратија во Делчево.

12 Ученици од нашето училиште беа дел од едукативната екскурзија во Бугарија

На 18 и 19 октомври група   ученици од нашето училиште беа поканети  од фондацијата „Бугарска Памет“ да ги посетат Благоевград и Софија. Тие заедно со учиеници и од општините Берово, Пехчево, Виница и Македонска Каменица ја реализираа едукативната екскурзија. Сите трошоци за екскурзијата беа покриени од фондацијата.

Фондацијата „Бугарска Памет“ е непрофитабилна организација чија мисија е да подржува и промовира иницијативи во духот на демократските вредности  на Европската Унија – плурализам, толерантност, солидарност. Посебен акцент е ставен на образовните иницијативи и современото образование за да можат младите да се вклучат во европскиот пазар на труд.

Целта на посетата  е запознавање со можностите за соработка со фондацијата  засновани  на европските принципи и вредности, современите образовни потреби кои им се неопходни на младите за да можат да се носат со идните предизвици.

 

 

Првата станица на патувањето на учениците беше во Благоевград. Таму го посетија Регионалниот историски музеј и прошетаа по калдрмата на стариот град  „Вароша“.  Ја посетија и куќата-музиеј  на Георги Измирлиев-Македончето  која е дел од комплексот „Вароша“ и  црквата „Воведение Богородично“.  Потоа следуваше прошетка во центарат на градот, и ручек во ресторантот „Ларж“. По ручекот патувањето продолжи за Софија, каде последните часови од денот беа искористени за посета на молот „Бугарија“.

Во Софија групата беше сместена во хотрлот „Феста“.

   

Утрешниот ден исто така имаше и едукативен и забавен карактер.  Денот започна со прекрасна презентација  на тема „Европска унија“ која ја организираше  Младинската група „Европа“ , а презентер беше Јорданка Тодорова. Таа  им раскажа како е создадена Европската унија, каква е нејзината структура, како функционира, каква улога играат нејзините главни институции, кое е нејзиното значење за земјите-членки на ЕУ и нивните граѓани и какви можности за развој им нуди. Во текот на презентацијата имаше мотивирачки квиз во кој најактивните ученици добија награди.


По презентацијата учениците се  сретнаа и разговараа со д-р Милен Врабевски и тимот на фондацијата „Бугарска Памет“  за можностите за развој на кариера и нејзина  успешна реализација во иднина.  Докторот  ги покани учениците  на XXIII есенски семинар на Фондацијата “Бугарска меморија” на тема “Претприемништвото и висока технологија” што ќе се одржи во Делчево, на 16 ноември по иницијатива и со средства на Фондацијата.

По инспиративните утрински активности, учениците  се упатија кон центарот на Софија, каде што го разгледаа централното подрачје  на главниот град. Потоа околу 17 часот групате ја напушти Софија и замина за Делчево.

Оваа образовниот екскурзија е дел  од долгогодишната програма на Фондацијата “Бугарска Памет”, финансирана лично од д-р Врабевски за прекугранична соработка што дава позитивни резултати за развојот на добрите односи меѓу луѓето од двете страни на границата во името на нашата заедничка европска иднина .

5 Октомври – Светскиот ден на учителите

Денес се одбележува светскиот  ден на учителот. Да бидеш учител значи да ја работиш најблагородната работа на цел свет. Учителите се огледало на општеството. Секој возрасен се сеќава на неколку учители кои оставиле длабока трага во неговиот живот и кога зборува за нив му затреперува срцето.Учителот е личноста која описменува, дава збор во рацете како најмоќно оружје со кое се обезбедува иднината. Да бидеш учител значи да бидеш полн со знаење, разбирање, отвореност, креативност, љубов… Да бидеш учител значи  да работиш со најдрагите, со најискрените, со учениците .Да бидеш учител значи да го измениш животот на своите ученици, да оставиш трага која ни времето не може да ја избрише, да почитуваш, да бидеш почитуван.Да откриваш таленти , да помагаш ,да бидеш втор родител.

Во нивна чест, во името на сите учители секоја година се празнува 5 октомври-Светски ден на учителите. Цел на овој ден е да се мобилизира поддршка на учителите и да се осигура дека потребите на идните генерации ќе продолжат да бидат исполнувани. Светскиот ден на учителите претставува значаен симбол на свеста, разбирањето и вреднувањето на виталниот придонес што учителите го даваат за едукацијата и развојот.