Сливијада 2018

Н а 21.09.2018 година  во Делчево се славеше традицијата. На едно место се вареше ракија, се подготвуваше мармалад и слатко, а се дегустираа и вкусните производи обогатени со сливи изложени на продажните штандови. Во манифестацијата учество зедоа и  учениците од СОУ „М.М. Брицо“  кои подготвија  ликовна колонија на тема „Пијанечка слива“ и штанд на кој се презентираа производи од слива изработени од прехрамбената струка  во училиштето.

Манифестацијата беше збогатена со настап на децата од детската градинка „Весели цветови“, играорците од ФГ „Никола Јонков Вапцаров“, од КУД „Вера Јоциќ“ од М. Каменица, од КУД „Гоце Делчев“, како и настап на пејачката група „Ѓурѓа“.

 

Рекреативна, културно-едукативна еднодневна екскурзија

На 20.09 .2018 година СОУ „М.М.Брицо“ реализира еднодневна екскурзија до манастирот Св.Илија, с.Звегор(на одалеченост од околу 4,5 км од Делчево) на која зедоа учество сите ученици и професори од училиштето. Целите на екскурзијата беа дружење и запознавање на учесниците  преку активности во природа: планинарење, играње на заборавени спортски игри во природа, и ликовни и музички активности. Исто така планинарскоит  водич Љупчо Чучуковски во дворот на манастирот Св.Илија на учениците им презентира  поставување на шатори, вреќи за спиење, облека и опрема за логорување, како и начин на логорување и престој во планина. Екскурзијата беше изведена со подршка од полицијата, локалната самоуправа на општина Делчево, и  ПСК ГОЛАК од Делчево.

Во спортскиот дел беа направени екипи за влечење на јаже и за скокање со јаже, а за  најдобрите  следуваше награда. –
Во ликовниот дел неколку талентирани ученици нацртаа прекрасни слики инспирирани од планината, природата, животната средина, екологијата.
Во музичкиот дел талентирани ученици се претставија со музички изведби. Исто така, за најдобрите следуваа награди.

Целиот настан беше исполнет со позитивна енергија што се рефлектираше врз насмеаните лица на учениците.   А тоа ќе биде мотивација да се продолжи со слични активности и во наредните години.

Промоција на првата средношколска он-лајн платформа

На 13-ти септември, 2018 година, во Скопје,  се одржа  конференција на која  се промовира првата он-лајн платформа за средношколско учество „Мој Глас“, изработена со поддршка од Проектот на УСАИД за граѓанско учество.

На конференцијата зедоа учество и  тим од 4 ученици од нашето училиште: Стоиловски Иван, Таковска Даниела, Александра Петровска, Димитровска Михаела   и професорот по спорт Велков Ванчо.

„Мој Глас“ претставува интерактивна платформа, во форма на веб-страница и мобилна апликација која има за цел да ја зголеми комуникацијата помеѓу учениците и училишните служби, да придонесе кон пефикасно и поефективно носење на одлуки во рамки на училиштата и најважно од сѐ, да го зголеми учеството на средношколците во процесите на носење одлуки во нивните училишта, за прашања кои се од нивен интерес.

Користејќи ја платформата, училишните служби ќе ги консултираат учениците при носењето на одлуки кои нив ги засегаат и ќе ги известуваат за сите новости од една страна, но од друга страна учениците ќе имаат можност да доставуваат предлози и да пријавуваат проблеми до училишните служби, да доставуваат предлози до училиштето и да започнат петиција по прашања кои се од нивен интерес.

На конференцијата свое обраќање имаат: директорката на Проектот на УСАИД за граѓанско учество г-ѓа Ана Дракиќ, директорот на средното училиште „Георги Димитров“, г. Саша Стоименов, и извршниот директор на Здружение Лидери за едукација, активизам и развој (ЛЕАД), г. Иван Јованов, кои зборуваат за важноста од постоење на таква платформа, потенцијалот за развој на платформата, како и визијата за платформата за во иднина.

Доделени благодарници за соработка со бизнис заедницата од Делчево

Вклучувањето на бизнис заедницата во работата на училиштето е еден од главните елементи за постигнување подобри резултати на учениците, како и за поотворени и подемократски училишта.

Соработката на нашето училиште со бизнис заедницата на општина Делчево и оваа година продолжува и се продлабочува на повеќе полиња и активности. За таа цел училиштето додели благодарници  за успешна сорботка во острварувањето на планираните активности во училиштето на неколку фирми со кои остварува успешна соработка.

Тоа се фирмите:

·         КРЗНО ДООЕЛ,
·         НЕ-ФИ,
·         ПЕКАРА ЛУНА ГИФ,
·         МУЦИ ТРАНС  ДООЕЛ,
·         ШЕКИ ПРОМ,
·         РОМА ТРАНС ДООЕЛ,
·         БРЕГАЛ ДООЕЛ,
·         СТАМЕНКОВ КОМПАНИ,
·         ИЗВОР КОМИТ.

 

 

На пекарата Луна Гиф покрај благодарницата им беа  поклонети престилки сошиени од учениците од кожарско-текстилната струка.

Еднодневен камп на Голак со учениците од прва година

( ВИДЕО ПРИКАЗНА ЗА НАСТАНОТ)

На 06.09.2018 година како дел од програмата на училиштето  за прв пат се реализира еднодневен камп на планината Голак  со учениците од прва година кој имаше  воспитно-едукативен и забавен карактер. Во настанот зедоа учество  110 ученици, 7 професори, директорот на училиштето, 1 професионален планинарски водич, 1 докторка и 2 полицајци. Целта на овој настан е: учениците од прва година полесно да се адаптираат на новата средина  и преку дружење да се запознаат  меѓу себе, со своите класни раководители и со наставниците; да се запознавање со благодетите што ги нуди планината Голак и природата воопшто; преку културно-забавна програма да се согледаат  постигањата и афинитетите на учениците од повисоките класови кои во целост го реализираа забавниот дел од програмата и проширување на хоризонтите на класичната настава со нешто ново несекојдневно.

Тргнувањето беше организирано во 8 часот од пред училиштето, а во 8:30 учениците пристигнаа до спортските терени на Голак кои се наоѓаа на 1398 м.н.в.

Прва точка од настанот беше планинарски марш   во должина од 5 км. Пред почетокот на маршот  предавање за планинарењето одржа лиценцираниот планинарски водич Љупчо Чучуковски       од Федерацијата на планинарски спорт на Македонија, каде даде упатства и совети  на учениците за безбедно и правилно одвивање на активноста. Тој воедно беше и водич на маршот запознавајќи ги учениците со одредени географски топоними и културно-историски места низ кои што поминуваше маршрутата и им даваше совети на учениците за заштита на природата, исхраната во планина,опремата за планинарење и сл.   Пред тргнувањето сите ученици изведоа неколку вежби за загревање  со професорот  по спорт Димитровски Влатко.   Планинарскиот марш почна од спортските терени  (1398 м.н.в.)  и продолжи кон манастирот Св.Пантелејмон(1508 м.н.в.) и преку врвот Мала Чавка (1512 м.н.в.) кон Бун Чешма(1460 м.н.в.) , Ловечка Куќа(1455 м.н.в.), Шумски пат (1500 м.н.в.) се до Шумска вила (1400 м.н.в.).  Учениците покажаа голем интерес за планинарењето и желба да се вклучат и во други планинарски активности на планинарското друштво Голак  од Делчево.


По завршувањето на маршот и  пристигнувањето во кампот( Шумската вила)  каде беа обезбедени маси и клупи за сите ученици, започна културно-уметничката програма која се соостоеше од повеќе точки.

      

   

За  музиката беа задолжени диџеите  Слободанчо   и Давор,  ученици од IV година под менторство на професорот по музичка уметност Илиовски Слободан.  Тие целиот настан го збогатија со популарна музика, народна музика и македонски ора.

На настанот беше изведен рецитал од ученици од III година каде се рецитираше поезија од македонски поети под менторство на професорот по македонски јазик и литература Соколовка Весна.

Исто така беше  изведена музичка нумера од ученичка  од II година која со нејзината прекрасна изведба ги воодушеви сите присутни.

Од двајца  членови  на играорната  група беше изведено традиционално оро.

 

Група од 4 ученички од III  година цртаат  на тема екологија и направија 4 прекрасни цртежи  инспирирани од планината  и природата.

 

 

 

 

 

 

 

 

 

 

Паралелно со овие настани течеа и спортските натпревари во мал фудбал и кошарка помеѓу класовите од I година.

 

 

Кампот  го посети и градоначалникот на општина Делчево и советникот за образование Новоселски Ванчо  кои ја поздравија идејата за изведување на вакви несекојдневни часови во природа кои излегуваат од рамките на класичната настава и го прошируваат хоризонтот на наставниот процес.

За сите учесници беше обезбеден заеднички ручек кој протече во пријатна атмосфера .

На крајот се поделија благодарници на сите инволвирани страни кои придонесат сето тоа де се реализира беспрекорно, а тоа се: Федерација на планински спорт  на Македонија – чии претставник беше Љупчо Чучуковски, Локалната самоуправа на град Делчево, Македонски шуми – подружница Голак, и претставници од бизнис заедницата на Делчево.
Заминувањето на учениците беше во 15:30 часот. Временските услови тој ден беа идеални (од 15 до 25 степени С)  за изведување на сите планирани активности.

Позитивното искуство од овој настан ќе биде мотивација да се продолжи со такви и слични активности и понатаму.

Професори кои беа дел од кампот: проф. по информатика – Јовевска Мара; проф. по хемија – Ана Среброва Цветковска; проф. по текстилни предмети Сузана Трендафилова; проф. по економија и менаџмент – Илија Лазаревски; проф. по филозофија Благојчо Георгиевски; проф. по споре Влатко Димитровски; проф. по музичка уметност  Слободанчо Илиовски; проф. по македонски јазик и литератута – Весна Соколовска; и директорот на училиштето Пачкоски Љупчо.

 

ЛИНК ОД ИЗЈАВИТЕ НА ОРГАНИЗАТОРИТЕ  НА НАСТАНОТ

ЛИНК ДО ГАЛЕРИЈА СО СЛИКИ ОД НАСТАНОТ

Семинар „Модернизација на техничкото образование“

На 23 и 24 август во Штип се одржа семинар  како дел од проектот за развивање вештини и подршка на иновации организиран од МОН и ЦСОО.  За прилагодување  на современиот пазар на труд потребни се промени  во стручното образование. Целта на семинарот е да се развие по темелно образование што подоцна ќе овозможи и подобар избор на занимања, да се прошират можностите за вработувања и поголем успех во професионалниот живот.

На семинарот од нашето училиште  зедоа учество 9 наставници кои се запознаа со новиот концепт  за модернизација на техничкото образование кој е планиран да се воведе од следната 2019/2020 учебна година.

УПИСИ 2018-2019 (28 ЈУНИ – второ пријавување)

Уписот за прва година  во првиот уписен рок – прво пријавување  заврши. Им честитаме и им благодариме на сите ученици што го избраа нашето училиште  за нивни иден предизвик во своето образование.

Второто пријавување во првиот уписен рок е на 28 јуни. Полуматурантите кои од било кои причини не се запишале тоа можат да го направат на 28 јуни.

Врз основа на  КОНКУРСOT за запишување ученици во јавните средни училишта во учебната 2018/2019година  во Република Македонија  Училишната Комисија за запишување на ученици при СОУ „Методи Митевски – Брицо“ – Делчево , објавува

О Г Л А С    Н А    С Л О Б О Д Н И   М Е С Т А

За запишување ученици во прва година
ПРВ УПИСЕН РОК – второ пријавување на 28 јуни 2018 година
(учебна 2018/2019)

 

I.СЛОБОДНИ МЕСТА:

 

Гимназиско образование

108  во сите подрачја- со утврден минимум поени – 60 поени

 

Текстилно кожарска струка

68-(конгекциски техничар – текстилен техничар)

со утврден минимум поени –  35 поени

 

Хемиско технолошка струка

33 – (прехранбен техничар)

со утврден минимум поени – 35 поени

 

Второто пријавување и запишување на учениците ќе се врши на  28 јуни 2018 година, а резултатите од запишувањето и слободните места ќе се објават на  29  јуни 2018 година.

Училишна Комисија за Запишување

                                                                                                     Претседател,

                                                                                                    Љупчо Прачкоски

УПИСИ 2018-2019

Конкурс за запишување ученици во јавните средни училишта

за учебната 2018/2019 година во Република Македонија

 

СРЕДНО ОПШТИНСКО УЧИЛИШТЕ „МЕТОДИ МИТЕВСКИ – БРИЦО“

Во прва година ќе се запишат 272 ученици во 8 паралелки со настава на македонски јазик според наставните планови и програми за:

Гимназиско образование – 170 ученици, 5 паралелки, 60 минимум поени
Текстилно – кожарска струка – 68 ученици, 2 паралелки
– конфекциски техничар мак 34 уч. 1 пар. 4 г.тр. 45 минимум поени
– текстилен техничар мак 34 уч. 1 пар. 4 г.тр. 45 минимум поени
Хемиско – технолошка струка – 34 ученици, 1 паралелка

– прехранбен техничар мак 34 уч. 1 пар. 4 г.тр. 45 минимум поени

 

II. УСЛОВИ ЗА ЗАПИШУВАЊЕ НА УЧЕНИЦИТЕ
Запишувањето на учениците во јавните средни училишта (во натамошниот текст:
училишта) во учебната 2018/2019 година ќе се врши под услови и на начин утврдени со
Законот за средното образование, Законот за стручно образование и обука, Законот за
спортската академија и со овој Конкурс.
Бесплатен превоз или сместување на учениците кои ќе се запишат во прва година
во јавните средни училишта, нема да биде обезбеден ако избраниот вид на образование
(струка) го има во општината, односно регионот. Наставата се изведува на македонски
јазик и кирилско писмо.
За припадниците на заедниците кои следат настава на јазик различен од
македонскиот јазик и неговото кирилско писмо, наставата во јавните средни училишта се
изведува на јазикот и писмото на соодветната заедница.
Условите за запишување на учениците се:
– да имаат завршено основно образование;
– да не се постари од 17 години;
– да се определиле за план и програма за еден од следните видови образование:
а) гимназиско образование;
б) стручно образование и обука;
в) средно уметничко образование;
г) средно образование за ученици со посебни образовни потреби;
– да ги исполнуваат критериумите утврдени со овој Конкурс.

III. ПОТРЕБНИ ДОКУМЕНТИ ЗА ЗАПИШУВАЊЕ
При пријавувањето, учениците треба да ги поднесат следните документи:
– пријава за запишување (пријавата за запишување ученикот ја подигнува од
училиштето во кое ученикот сака да се запише и истата е бесплатна);
– оригинални свидетелства од VI до IX одделение;
– дипломи, (доколку имаат) од освоени (I, II и III) места од меѓународни и
државни натпревари од (мајчин јазик, странски јазик и наставни предмети што
се од значење за струката односно изборното подрачје);
– извод од матичната книга на родените (без оглед на датумот на издавањето).

IV. КОНКУРСНИ РОКОВИ
Пријавувањето и запишувањето на учениците се врши во еден уписен рок со две
пријавувања во месец јуни.
Првото пријавување и запишување на учениците се врши на 18 и 19 јуни 2018
година, а ранг листите со резултатите од запишувањето и слободните места ќе се објават
на 20 јуни 2018 година.
Квалификационото тестирање ќе се организира во училиштата за средно
образование на 22 јуни 2018 година, а конечните ранг листи со резултатите ќе се објават
46
на 25 јуни 2018 година. Проверката на знаењата на учениците од заедниците ќе се
реализира на јазикот на кој што ученикот ја следел наставата во основното училиште.
По објавување на ранг листите со резултатите од запишувањето, учениците
кои не се запишани во училиштето, задолжително ја подигнуваат целокупната
доставена документација поднесена во училиштето во рок од 48 часа.
Второто пријавување и запишување на учениците ќе се врши на 28 јуни 2018
година, а резултатите од запишувањето и слободните места ќе се објават на 29 јуни 2018
година.
За учениците кои се упатени на поправни испити, испит на година, испити за
побрзо напредување, се организира втор уписен рок во месец август, во
училиштата во кои има слободни места после јунскиот рок.
Пријавувањето и запишувањето на учениците во августовскиот рок се врши на 23
август 2018 година, а резултатите од запишувањето на учениците ќе се објават на 24
август 2018 година.
Пријавувањето за програмата Меѓународна матура во Гимназијата “Јосип Броз
Тито” се врши од 7 до 17 мај 2018 година.

V. КРИТЕРИУМИ ЗА ИЗБОР
Критериуми за избор на учениците се:
− среден успех на ученикот од VI до IX одделение;
− среден успех на ученикот постигнат по четири предмети (мајчин јазик,
странски јазик и два предмети што се од значење за струката);
− дипломи за освоени (I, II и III) места од меѓународни натпревари, како и
државни натпревари (организирани од акредитирани здруженија од
Министерство за образование и наука) по мајчин јазик, странски јазик и
наставни предмети што се од значење за струката односно изборното
подрачје;
− средна вредност од поени добиени за поведение.
Во училиштата каде што се пријавуваат поголем број ученици од планираниот број
со еднаков број поени, ќе се организира квалификационо тестирање од предметите
значајни за струката.
Во средното уметничко образование (музичко, балетско и ликовно) и спортската
гимназија, училиштата утврдуваат дополнителни критериуми.
За средниот успех од VI до IX одделение ученикот може да добие најмногу 50 поени
(општиот успех од шесто, седмо, осмо и деветто одделение се собира, се дели на четири
и истиот број се множи со коефициент 10).
За средниот успех постигнат од четирите предложени наставни предмети (два
наставни предмети задолжително за сите видови образование и два предмети што се
значајни за струката), ученикот може да добие најмногу 20 поени (5 поени за секој
предмет).
За освоено место од меѓународни и државни натпревари ученикот може да добие
најмногу 5 поени. (За освоено место од меѓународни натпревари 5 поени, за освоено
место од државни натпревари: 3 поени за I место, 2 поени за II место и 1 поен за III
место). На ученикот му се вреднува само една диплома која носи најмногу поени.
47
За средна вредност од поените за поведение од VI до IX одделение ученикот може
да добие најмногу 5 поени. (Примерно поведение се вреднува со 5 поени, добро
поведение се вреднува со 3 поени и незадоволително поведение се вреднува со 0 поени.
Средната вредност е збир од поените за поведението од шесто, седмо, осмо и деветто
одделение поделен со 4).
Ученикот по сите критериуми утврдени со овој конкурс може да добие
најмногу 80 поени.
Утврдениот број минимум поени за првото пријавување, се составен дел на овој
Конкурс.
Училиштата за второто пријавување, можат да го намалат утврдениот број на
минимум поени дадени во Конкурсот најмногу до 10 поени, освен за гимназиско
образование, економско – правна и трговска струка и здравствена струка.
Училиштата се должни со интерен оглас за второто пријавување да го истакнат
утврдениот минимум поени со кои е можно учениците да конкурираат за запишување во
определен план и програма. Објавувањето на минимумот поени треба да се изврши на 25
јуни 2018 година за второто пријавување.
За учениците кои завршиле деветто одделение во Република Македонија, а едно,
две или три одделенија (VI, VII или VIII одделение) завршиле во странство, за тие
одделенија се зема успехот од деветто одделение и важат истите критериуми за избор на
ученици дадени погоре.