Во Делчево по вторпат се реализира семинар на тема „Иновации, прогрес и дигитален свет“

На 17.04.2019 година се реализира семинар  на тема „Иновации, прогрес и дигитален свет“ на кој присуствуваат  околу 220 средносколци од источниот    регион: Берово, Пехчево,  Виница, Струмица, Македонска Каменица и Делчево.  Семинарот е организиран и финансиран од фондацијата „Бугарско сеќавање“ од Бугарија кој преставува само уште еден сегмент од многуте заеднички меѓугранични  соработки. На семинарот воведна говори одржаа: д-р  Милен  Врабевски – претседател на фондацијата, заменик министерот за образование на РС Македонија – Петар Атанасов и градоначалникот на Делчево – Горан Трајковски.

 

Целта на семинарот е учениците да добијат поголеми познавања од  полето на иновациите, напредните технологии и претприемништвото,  да се отворат нови видици и да се разбуди интересот за оваа сфера кај младите која ќе им биде неопходна за идните предизвици.

Семинарот опфати 3 теми: „Претприемништво на 21 век“  презентирана од   Борис Колев, „Роботи и иновации“ во која беа презентирани два роботи  и  ја образложи  Јасен Јорданов  и „Мини машини“  презентирана од  Михаил Стефанов.

 

  

Учениците можеа и дирекно да се запознаат со работата на 3Д принтерите.

Исто така значајна компонента од овој семинар е запознавањето и дружењето на учениците  од 6 градови од источниот регион кои учествуваат на семинарот.

Нека ни е честит 58 патронен празник

Денес нашето училиште го прослави  58 патронен  празник. Одбележувањето на патронот започна пред споменикот на Брицо во дворот на гимназијата, каде делегација од Општина Делчево предводена од градоначалникот Горан Трајковски, директорот на училиштето Љупчо Прачковски, како и делегации од институции од Делчево се поклонија и положија свежо цвеќе.

  

  

Културно-уметничката програма по повод патрониот празник започна со интонирање на химната за Методи Митевски и обраќањето на директорот на училиштето Прачкоски Љупчо.

  

Потоа следуваше презентација за активностите и постигањата на училиштето во период од една година.

Културно-уметничката програма беше збогатена и со литературни творби, музички натапи, модна ревија, и настап на играорците од КУД Н.Ј.Вапцаров.

 

Во холот на училиштето гостите можеа да разгледаат ликовна изложба од ликовни творби на наши ученици.

  

Активностите за чествување на празникот завршија со пригоден коктел на кој гостите и домаќините  разменија мислења, идеи и планови за во иднина.

   

Учениците од М.М.Брицо и оваа година постигнаа одлични резултати на натпреварите

Натпреварите за оваа учебна година се уште се во тек. На регионалните натпревари  поголем број на ученици од нашето училиште се пласираа за  државените  натпревари а тоа се:

Верица Ѓеоргиева, Ангела Ефтимовска и Евгенија Пандова  по биологија , ментор Марина Синадиновски;
Милена Начовска  по биологија, ментор Милица Георгиева;
Михаела Маневска  по македонски јазик и  литература, ментор Весна Соколовска;
Евгенија Пандова  по германски  јазик, ментор Васка Пандова;
Трајковска Бојана и Гоцевска Моника по англиски јазик, ментор Дијана Атанасова.

Им посакуваме успеси.

 

Посета на цркви и манастири во Македонија

   Извештај

 од реализирана еднодневна екскурзија , теренско истражување – посета на цркви и манастири во Македонија

Учениците од нашето училиште од трета и четврта година од   општествено хуманистичко подрачје комбинација А кои изведуваат проектна активност по Историја на уметноста , организирани од  своите професори по Историја  во деновите 15  и 16 03.2019 година беа во посета на манастирите  Св. Гаврил Лесновски  во селото Лесново  во Пробиштипско, Св. Јоаким Осоговски во Крива Паланка  и црквите Св.Спас и Св Димитрија во Скопје.

При посетата учениците се запознаа со нивната важност и значење  за историјата  на македонскиот народ .

 

Срдечно ДОБРЕДОЈДЕ за гостите од Љубљана

Вчера 06.04.2019  во планирана возвратна  посета пристигнаа гостите од гимназијата Полјане од Љубљана.  За гостите  нашето училиште подготви 5 дневна програма со разновидни активности со цел гостите да се запознаат со нашето училиште, со нашиот град  и со нашата држава. Покрај едукативни содржини планирани се и многу забавни моменти, дружења  и екскурзии. Им посакуваме пријатен престој  и многу убави моменти кои долго  ќе ги памтат.

I-1 клас демонстрираа развиенна еко-свест

Учениците од I-1 клас денеска (22.03.2019)  демонстрираа високо развиена еко-свест. По сопствена иницијатива заедно со професорот по биологија Марина Синадиновски денес   ја исчистија површината пред зградата – бродот на булевар Македонија, една од најзагадените  јавни површини во градот, покрај која посојано минуваат. Со тоа тие се надеваат дека  ќе се зголеми еколошката свесет и кај граѓаните и кај учениците за да Делчево биде почист град.  Да се надеваме дека таквиот пример ќе го следат и други класови и групи на ученици и граѓани.

            

           

Размена на искуства и добри практики со училиштето “Цар Симеон Велики” од Софија

На 28.02.2019 година група вработени од нашето училиште беа во посета за размена на искуства и добри практики на Приватно средно училиште “Цар Симеон Велики” од Софија, што е прогласено за “Иновативно училиште” од Министерството за образование и наука на Бугарија и е Училиште амбасадор на Европскиот парламент. Оваа посета беше иницијализирана и финансирана од сопственикот на училиштето кој е и претседател на Фондацијата Бугарска Меморија д-р Милен Врабевски, и претставува уште една од многуте меѓугранични соработки на луѓето од двете страна на границата.

По пристигнувањето во училиштето групата од СОУ „ М.М.Брицо“: Митевска Вида, Соколова Весна, Мијалчова Даниела, Јовевска Мара, Цонева Дијана и Христов Борче беше срдечно пречекана од домаќините и според однапред приготвена агенда прво почнаа со разгледување на училиштето. Станува збор за иновативна, пространа петкатна зграда опремена за изведување на модерна настава.

   

На самиот почеток голем визуелен ефект им остави дизајнираните ѕидовии на училиниците и на ходниците со едукациски содржини.

   

   

   

Во слкоп н а училишната зграда се наоѓа и покриен базент за пливање, 2 големи милтифункционални спортски сали, 2 помала спортски сали и 2 отворени игралишта.

    

      

    

Кабинетите сe опремени со високи технологии и нагледни средства во служба на наставниот процес.

  

   

Вторaта точка од агендата беше посета на 3 отворени часа по Бугарски јазик , Информациски технологии и Применета уметност каде беше демонстрирано нови иновативни интерактивни методи и техники.
На часот по Бугарски јазик беше изведена една нова метода која се состоеше во тоа што на часот беа присутни 2 класа (6-ти и 10-ти клас), кои беа поделени во мешани групи и изведуваа една вежба – поправање на синтаксни грешки во даден текст со прецизно формулирање на правилото кои се применува во конкретниот случај. Потоа со помош на образовната дигитална платформа учествуваат во квиз натпревар и на крајот ги добија резултатите од натпреварот.

На часот по Информациски технологии беше изведена вежба за програмирање на дигитално животно кое требаше да извршува 4 функции. Учениците кориестеа образовна дигитална платформа и компјутери за изведување на вежбата. И на двата часа со учениците работеа и им помагаа 2 наставника.

Часот по Применета уметност беше со ученици од 3 клас и учениците требаше да изработат кукли со традиционални фолклорни обележја. Во оваа активност се вклучија и гостите од Делчево.

На средбата со колективот во канцеларијата за наставници гостите имаат можност да ги видат дневниците и како се води педагошката евиденција и да се запознаат со наставните планови . Во споредба со нашите наставни планови согледано е дека тамошните ученици учат повеќе предмети и имаа повеќе часови како неделен фонд. Покрај редовната настава и таму се изведуваат: проектни активности, дополнителна, додатна настава и слободни ученички активности.

Како последна активност беше присуство на една интерактивна образовна игра на која зедоа учество од сите класови, а беше замислена како квиз натпревар од Бугарската историја. На крај беа прогласени победници и поделени награди.

После завршувањето на точките од агендата следуваше интересен разговор со раководството на училиштето на кој гостите ги изнесоа сите впечатоци од сите изведени активности , разменувајќи знаења, добри практики, мислења и идеи. Со тоа ги поставија темелите за идната соработка меѓу двете училишта со вклучување на ученици и изработка на заеднички проекти.

 

ПОСЕТА НА БРИСЕЛ

Од 03.02.19 до 07.02.19 година во образовната посета на Брисел зедоа учество 35 ученика од Источна Македонија, од кои 15 беа од Делчево, и по 5 ученика од Берово, Виница и Македонска Каменица. Со ова за прв пат на учениците им се пружи шанса да го посетат Европскиот парламент, Парламентариумот, како и други знаменитости на Брисел.

Целата група беше предводена од професорката Весна Димитровска, како и членови од Собранието во Делчево и членови од Фондацијата “Бугарска Памет”. На тој начин имаа можност да научат повеќе за Европските институции, за тоа како се одвива нивната работа и да го почуствуваат духот на Обединета Европа.

Конкретно, при посетата на Парламентот имале прилика да се запознаат со важни личности, со кои можеле да поразговараат. Тие со учениците споделиле некои нивни лични искуства и ги упатија за нивната работа во Парламентот. Учениците присуствуваа на еден вид предавање во една од салите на Парламентот, во кое самите ученици повеќе се запознале со историјата на Европската Унија како и за нејзините земји членки.

Сето ова за учениците претставува големо и прекрасно искуство со кое тие создадоа спомени за цел живот , со надеж дека еден ден тие ќе бидат главниот фактор кои ќе придонесат за подобра иднина.

Текстот го подготви

Ташевска Ана ученик од IV-4

Учениците направија прекрасна разгледница од посетата на Словенија

Понеделник  (28.01.2019)

Првиот ден во училиштето домаќините ни организираа прием во училиштето и не запознаа со училиштето.

Истиот ден се одржа  предавање за географијата на Словенија спремено од страна на словенечките ученици и квиз  за нашите ученици со цел да ги видат нашите познавања за  Словенија.

После кратка пауза, се  одржа уште едно предавање за историјата на  Словенија и словенечкиот  јазик. На квизот нашите ученици покажаа одлични резултати.

Следуваше прием кај директорот на гимназијата Полјане, а од 13 до 14 часот имаше организиран ручек во училишната кантина. После ручекот словенечките  и македонските ученици поделени во неколку групи се прошетаа и ги посетија  поважните знаменитости во градот Љубљана.

 

 

Во 17 часот активностите завршија и заедно со домаќините  се упатија кон домовите.

 

 Вторник (29.01.19)

Пристигнување во училиштето во 8.00 и заминување на целодневна екскурзија со посета на Шкоцјанските јами, Пиран и Порторож. Враќање во Љубљана во 19.00. При посетата на Пиран домаќините ни раскажаа за историјата на градот и спомениците во самиот град. Потоа имавме слободно време од 1 час. По слободниот час се сретнавме во центарот на градот на плоштадот и со пешачење покрај брегот стигнавме во Порторож, и од таму се вративме во Љубљана.

 

  Среда (30.01.2019)

Пристигнување во училиштето  во 8 часот наутро и заминување за Соришка планина. Забава преку снежни игри (санкање и пешачење во снегот со специјални обувки).  На враќање посета на Блед и разгледување на градот и езерото. Враќање во Љубљана во 16:30 и заминување во домовите.

 

Четврток (31.01.2019)

Во четвртокот домаќините и гостите појадуваа традиционален словенечки доручок.

Доручокот беше составен од мед , маргарин , млеко и јаболко.

После доручокот гостите присуствуваа на настава. Гостите присуствуваа на час по Шпански , Словенечки , Математика , Хемија и други предмети.

Домаќините ги поканија гостите во салата за претстави да гледаат словенечки филм заедно.

После филмот домаќините и гостите заедно ручаа во училишната кантина. Потоа заедно учеа да танцуваат бечки валцер и полка.

 Петок (01.02.2019)

Доаѓање во школото во 8 часот. Агендата до 12 часот се состоеше од следните активности: посета на куќата на експерименти во Љубљана од 10-12 часот, поделба на групи и посета на градскиот музеј во Љубљана, Етнографскиот музеј, музејот на модерна уметност и националната галерија на Словенија.

Во 12 часот враќање во школото и подготовка на програмата за завршната приредба.

Од 15-17 часот завршна приредба. Приредбата се одража во салата на училиштето. На оваа приредба присуствуваа ученици, наставници, родители и други гости.

   

Нашите ученици и нивните домаќини најправо се претставија со химните на своите држави.Потоа и домакините и гостите се представија со своја програма (песни, игри, рецитации) и накрајот изведоа две заеднички композиции.

По завршувањето на програмата домаќините приредија коктел за учениците  и публиката.

Вечерта нашите ученици и нивните домаќини имаа заедничка забава.

 

СОУ „М.М.Брицо“ се збратимува со училиште од Словенија

 

 

На 25.01.2019 година група од 18 ученици од III година заминаа на 8 дневна посета на гимназијата  „Полјане“ од Љубљана – Словенија.   Целта на посетата  е збратимување на двете гимназии. Учениците ќе следат 7- дневна планирана програма, опфатено е учество во  редовната настава во училиштето на англиски и на словенечки јазик. Исто така, се планира и посета на културно-историски знаменитости од Љубљана и Словенија.  Нашата гимназија за прв пат ќе има мошност да реализира ваков вид на посета на образовен центар кој работи по европски терк. Се очекува  нашите ученици да се стекнат со нови искуства, пријателства и знаења и да  бидат амбасадори на нашето училиште, градот и државата.  Соработката меѓу двете училишта  продолжува во април оваа година кога е планирана  повратна посета при што ученици од гимназијата „Полјане“ ќе ја посетат нашата гимназија.