Европското здружение на класични филозофи, „Еурокласика“, секоја година го организира Меѓународниот натпревар по латински јазик Elex Vestibulum. Учениците од средните училишта кои го изучуваат овој класичен јазик имаат можност да ги покажат своите знаења за латинскиот јазик ,значаен за европската литература, наука и култура воопшто.
Oваа година натпреварот се реализираше online на 11.12.2020 година. Деновиве пристигнаа резултатите и дипломите на учениците кои уште еднаш ги покажаа своето знаење, доследноста и интересот кон учењето и наставата,а со тоа се промовираа себеси и училиштето во и надвор од границите. На степенот VESTIBULUM кој е наменет за ученици коишто го изучувале јазикот една година (почетен степен) во месец декември учествуваа и со дипломи се стекнаа учениците:
Ана Манасиева(Златен Медал)
Анастасија Симовска(Златен Медал)
Кристина Новоселска(Сребрен Медал)
На степенот IANUA кој е наменет за оние што го изучувале латинскиот јазик две години (продолжителен степен) учествуваше ученичката:
Ана Марија Јанкулова ( Бронзен Медал).
Честитки до наградените ученици и до нивниот ментор Билјана Ивановска, професор по латински јазик.
