Во овие специфични околности во кои што се наоѓаме, кога нашите ученици и вработени мораа да го сменат начинот на учење а кои влијаат врз образовниот процес, особено е значајно континуираното следење на условите и можностите во самите образовни институции. Токму во овие времиња, хуманоста и солидарноста излегуваат на дело.
Имајќи ги предвид условите во кои ќе се одвива учебната 2020 – 2021 година, компаниите Палтекс А.Д. Делчево и Дамјанов ДЕЛ ДООЕЛ, како долгогодишни партнери на локалната заедница, одлучија да го поддржат училиштето во напорите за ефикасно и успешно организирање на воспитно – образовниот процес, во услови на пандемија од КОВИД-19.
Во таа насока компаниите Палтекс А.Д. Делчево и Дамјанов ДЕЛ ДООЕЛ донираа 1000 заштитни маски, со која донација ќе се овозможи безбедно одвивање на наставата за учениците и наставниците кои ќе бидат физички присутни во училиштето.
Сите овие деца кои се во образование се и наши деца. Сакаме да изразиме огромна и искрена благодарност кон компаниите Палтекс А.Д. Делчево и Дамјанов ДЕЛ ДООЕЛ за нивната несебична помош и поддршка, нивната отвореност, кои како општествено одговорни компании со оваа донација го даваат својот придонес во успешно организирање на воспитно образовниот процес.
Образованието е од исклучителна важност за секоја држава без разлика на околностите и предизвиците со кои периодов сите се соочуваме. Затоа, дури и во оваа, нова реалност, образовниот процес мора да продолжи да се одвива непречено и на соодветен начин. Палтекс А.Д. Делчево и Дамјанов ДЕЛ ДООЕЛ како општествено одговорни компании се силен поддржувач на едукативниот развој на младите генерации во општината. Токму оваа донација е уште една потврда за нивните искрени заложби за поквалитетен образовен процес, а во исто време и поддршка на локалната заедница во која работат веќе 60 години.
Да бидеме одговорни за нашето здравје и здравјето на нашите најблиски. Носењето маска значи грижа за сите.
Ви благодариме што ги почитувате мерките, затоа што ако се штитите себеси, ги штитите и другите.
