Државниот натпревар по географија за средно образование се одржа на 7 мај 2021 година.
Натпреварот се одвиваше на три платформи – „Мајкрософт тимс“, „Зум“ и „Вебекс“, односно на платформа на која учениците ја следат наставата. Организатор на натпреварот беше Македонското географско друштво, чиј претседател е проф. д-р Билјана Апостоловска-Тошевска од Природно-математичкиот факултет. Олимпијадата годинава треба да се одржи во Кина, но засега тоа е неизвесно.
На државниот натпревар учествуваа 63 ученици, селектирани низ општинските и регионалните натпревари.
Нашите ученици постигнаа одлични резултати.
Честитки за ученичките Андреа Толевска, Теодора Тодоровска, Дариа Спасевска, Магдалена Георгиевска од I година гимназиско образование и Ева Ристовска од II година гимназиско образование кои годинава освоија трета награда на државниот натпревар, како и за нивниот ментор, професорот по географија Сребран Георгиевски.
Се гордееме со вас. Продолжете да работите со истата желба и ентузијазам и понатаму да постигнувате врвни успеси и резултати.
