Врз основа на Конкурс за изменување на Конкурсот за запишување ученици во јавните средни училишта за учебната 2018/2019 година во Република Македонија, Училишната комисија за запишување на ученици при Средното Општинско Училиште „Методи Митевски –Брицо“ – Делчево, објавува  измени на:

К О Н К У Р С О Т

За запишување на ученици во прва година во учебната 2018/2019 година

Во делот III. ПОТРЕБНИ ДОКУМЕНТИ ЗА ЗАПИШУВАЊЕ

Ставот 1, алинеја 3 „дипломи, (доколку имаат) од освоени (I, II и III) места од меѓународни и државни натпревари од мајчин јазик, странски јазик и наставни предмети што се од значење за струката односно изборното подрачје;“ се менува и гласи:

„дипломи, (доколку имаат) од освоени (I, II и III) места од меѓународни и државни натпревари од мајчин јазик, странски јазик, природни науки, математика, хемија, физика, биологија и географија и наставни предмети што се од значење за струката односно изборното подрачје;“.

Во делот V. КРИТЕРИУМИ ЗА ИЗБОР

Ставот 1, алинеја 3 „дипломи за освоени (I, II и III) места од меѓународни натпревари, како и државни натпревари (организирани од акредитирани здруженија од Министерство за образование и наука) по мајчин јазик, странски јазик и наставни предмети што се од значење за струката односно изборното подрачје;“ се менува и гласи:

„дипломи за освоени (I, II и III) места од меѓународни натпревари, како и државни натпревари (организирани од акредитирани здруженија од Министерство за образование и наука) по мајчин јазик, странски јазик, природни науки, математика, хемија, физика, биологија и географија и наставни предмети што се од значење за струката односно изборното подрачје;“.